شوفوا فارق الاسعار فى سنتين وانتو تعرفوا:
الدقيق من 2.00الى 3.50 والارز من1.80الى 4.00 والزيت من 6.00 الى 11.00 والفراخ من 6.00الى16.00 والاسمنت من350الى520 واخيرا الحديد من2750الى6000
ولا زالت الاسعار فى تزايد مستمر
الجمهورية 21/2/200
البطالة
اما البطالة بقى فحالها كالتالى :
9مليون عاطل ولا حسد....معظمهم من حملة الو}هلات مما دفع بعض الشباب الى الانتحار(2700شاب فى2005/2006) ودفع بعشرات الشباب المغامر الى عبور البحر لعله يجد عملا يحفظ عليه كرامته وغرق منهم العشرات
نيجى للعنوسة
بيقولك ان40% من فتيات مصر المقدر عددهن 9ملايين فتاة فاتهن قطار الزواج حسب احصائية الجهاز المركزى للتعبئة والاحصاء
الاهرام1/3/2008
نيجى للكهرباء اللى بتتقطع فى اليوم اكتر من مرة وبلاد تانية بتحتفل بمرور سنين دون انقطاع الكهرباء زى الصين :
فالشعب يئن من اسعار الكهرباء والحكومة تدعم اسرائيل بالغاز وتصدره بسعر 1.5دولار للمليون وحدة حرارية بينما سعره
العالمى 6دولار . ومحطات الكهرباء التى تعمل بالمازوت يتكلف انتاج الكهرباء 7دولارات بينما اذا عملت بالغاز يتكلف 2065دولار وذلك لتوفير الغاز لتصديره لاسرائيل
المصرى اليوم
ونيجى للبلد المسكين اللى انجبت الحضرى بجلالة قدره والكارثة اللى فيها:
الحكومة توافق لشركة كندية على اقامة مشروع ملوث للبيئة بجنوب رأس البر... هذا المشروع سوف يحدث تأثيرات خطيرة على صحة الانسان ويؤدى الى تلف بأعضاء الجسم وخاصة الاطفال.
صفقة مريبة بالاسكندرية
مصانع النحاس فى الاسكندرية تحولت الى اراضى تباع بالمتر ومتر الارض بجوار هذه الاراضى ب20.000جنيه ومساحة هذه الارض 85فدان اى ان سعرها يتجاوز 35مليار جنيه....................ترى بكم تباع
لازم يكون فى وقفة نراجع فيها كل شىء قبل مانقوم فى يوم نلاقى الحكومة باعت نهر النيل ولا قناة السويس ولا الشعب المصرى نفسه
والحل
*نقعد فى بيوتنا ونقول.....مافيش فايدة!!!!
*نهاجر ونسيب الوطن!!!!
*نكتفى بالدعاء!!!!!
عارفين الحل ايييييييه
(ان الله لا يغير ما بقوم حتى يغيروا ما بأنفسهم)
هو قانون ربانى وضعه الله للبشر يعلمهم بأن تغييير الاحول مرهون ببذل الجهد والعطاء من البشرفى مدافعة هذا الباطل
وعلى ذلك
نهيب بكل من احب هذا الوطن ويتألم لأحواله أن يقوم بالمشاركة فى دفع هذا البطل والعمل على تغييير تلك السياسات.
القلب يدمى والعين تبكى عليك يا وطنى الحبيب
هناك 11 تعليقًا:
هى جمله وحدة
وتبقى مصر ام الدنيا
تقبل او تقبلى تحياتى
جيلاان
شكرااااا ياجيلان على المرور.
على فكرة انا واحدة واسمى صفاء.
ومدونتك عجبتنى اوى.
اتمنى اسمع ردودك علطول.
السلام عليكم
اولا
مدونة جميلة والله
وسمها جميل
بجد يتمناه اى حد ....ويقول
اه لو تبقى احلى دنيا
وبالنسبة للموضوع
موضوع واقعى
وبمناسبى العنوسة والعزوبية
عامل تاج ...عن العزوبية
تحت عنوان
شبح العزوبية
ياريت تيجى وتاخدية
وتجاوبى علية
ارق تحياتى
قلب ابيض
اشكرك على رأيك فى المدونة وعلى بوستك
وان شاء اللى هابقى اشوف التاج
ياه هما لسه مابعوش قناة السويس؟
مش باين يعنى
والله يا مونالزا انا زيك كده
عندى شك انها اتباعت من زمان
مادمنا مش عارفين العائد
بتاعها بيروووووووووح فين.
اشكرك على بوستك
السلام عليكم
مشكلات البلدهتتح لو اتجمعنا وعملنا حاجة
ياريت بس نتجمع الاول وبعد كده المشكلات ممكن تتحل
شكلك كده متفائلة اوى
بما انك رئيسة حزب الاحلام
اتمنى من الله يحقق املك واملى
ويظهر النور بقى.
شكرا على مرورك
هم يبكي وهم ينكد
بجد في الصميم .. حالة البلد بقت جيم خاااالص
شكراااا جدا على رايك
وعلى مرورك
السلام عليكم ,
فقر , غلاء أسعار , عنوسة ,كهرباء , مياه ..............
كل دى مشاكل فى البلد . البلد فعلا اتسرقت
بس هو فى سؤال محيرنى :
احنا كنا فين لما اتسرقت ؟
ليه دايما ساكتين عن الفساد ؟
ليه دايما شاطريين فى الكلام ؟
نفسى مرة نبطل نتكلم ونوجه طاقتنا للعمل
وكفاية سلبية بقى .
إرسال تعليق